काठमाडौँ/ नेपाल प्रहरी र सशस्त्र प्रहरी बल नेपालसम्बन्धी कानुनलाई संशोधन तथा एकीकरण गर्न बनेको विधयेक प्रधानमन्त्री तथा मन्त्रीपरिषद् बैठक स्वीकृत गरेको छ ।
शुक्रबार बसेको मन्त्रीपरिषद् बैठकले दुवै प्रहरी सङ्गठनसम्बन्धी विधेयक सङ्घीय संसद्मा पेस गर्न स्वीकृति दिएको हो । गृह मन्त्रालयले प्रहरी र सशस्त्र प्रहरी बलसम्बन्धी कानुनलाई संशोधन गर्न अर्थ मन्त्रालय, कानुन, न्याय तथा संसदीय मामिला मन्त्रालय र लोक सेवा आयोगको सहमतिपछि प्रहरी विधेयक मन्त्रीपरिषद्मा पेस गरेको थियो ।
विधयेक समितिमा व्यापक छलफलपछि मन्त्रीपरिषद्मा पेस गरिएको गृहमन्त्री लेखकले जानकारी दिनुभयो । उहाँले विधयेक पारितका लागि आगामी सङ्घीय संसद्मा पेस गरिने बताउनुभयो ।
गृहमन्त्री रमेश लेखकले पद बहाली गरेसँगै प्रहरी सङ्गठन समयसापेक्ष व्यवस्थित, सुदृढ र क्रियाशील बनाउने विषय प्राथमिकतामा राखेर विधेयक परिमार्जन र संशोधनमा जोड दिनुभएको थियो । त्यही अनुरूप गृह मन्त्रालयले विधेयक अघि बढाएको हो ।
खुसी
दुःखी
अचम्मित
उत्साहित
आक्रोशित
