काभ्रेपलाञ्चोक— काभ्रे सिभिक डायलग २०८२ सफलतापूर्वक सम्पन्न भएको छ। काठमाडौं विश्वविद्यालयमा आयोजित उक्त कार्यक्रममा काभ्रेपलाञ्चोक जिल्लामा विद्यमान स्थानीय नागरिक मुद्दा, समाजमा देखिएका प्रमुख समस्या तथा तिनका सम्भावित समाधानबारे विस्तृत छलफल गरिएको थियो। कार्यक्रममा राजनीतिक सुशासन, राजनीतिप्रति युवाहरूको धारणा, संविधान तथा कानुनी संरचनाप्रतिको बुझाइ, र निर्वाचनपछिको नागरिक भूमिकाजस्ता महत्वपूर्ण विषयहरूमा विचार–विमर्श भयो। सहभागीहरूले लोकतान्त्रिक प्रक्रियामा युवाको सक्रियता र उत्तरदायित्वबारे आफ्ना धारणा प्रस्तुत गरे। राउण्डटेबल छलफलको स्वरूपमा आयोजना गरिएको यो कार्यक्रम लियो रिजन ३ अन्तर्गतका पाँचवटा क्लबहरूको आयोजनामा तथा जेन जी सिभिक फोरम र जेनजी माेभमेन्ट अलाइन्सको सहकार्यमा सम्पन्न भएको हो। कार्यक्रमका क्रममा उठेका मुद्दा, सुझाव र निष्कर्षलाई आधार मानी विस्तृत अध्ययन तथा प्रतिवेदन तयार पारिँदैछ, जुन सम्बन्धित निकायसमक्ष पेश गरिने आयोजकले जनाएका छन्। लोकतान्त्रिक संवादको संस्कृतिलाई सुदृढ बनाउने दिशामा यो पहललाई एक महत्वपूर्ण कदमका रूपमा लिइएको छ।...
