काठमाडौं विश्वविद्यालय स्थापनाको ३३ वर्ष पूरा भएको छ । संस्थापक कुलपति सुरेशराज शर्मा लगातार चार कार्यकाल र डा. रामकण्ठ माकाजु लगातार दुई कार्यकाल उपकुलपति भएका थिए ।
काठमाडौं /काठमाडौं विश्वविद्यालय (केयू)को उपकुलपति छनोट सिफारिस समिति गठनमा पहिलो पटक परम्परा तोडिएको छ ।
विगतमा सहकुलपति (शिक्षामन्त्री)को नेतृत्वमा छनोट सिफारिस समिति गठन हुने गरेकोमा यसपटक त्यो परम्परा तोडिएको हो ।
हालका उपकुलपति प्रा.डा. भोला थापाको चारवर्षे कार्यकाल आगामी माघ ६ गते सकिने भएकाले उपकुलपति छनोट सिफारिस समिति गठन गरिएको हो ।
कुलपति एवम् प्रधानमन्त्री केपी शर्मा ओलीको अध्यक्षतामा आज बसेको विश्वविद्यालय सभाले संस्थापक उपकुलपति प्रा.डा. सुरेशराज शर्माको संयोजकत्वमा उपकुलपति छनोट सिफारिस समिति गठन भएको हो । समितिमा प्रा. डा. अर्जुन कार्की र पूर्व शिक्षा सचिव जनार्दन नेपाल सदस्य छन् ।
केयूले पछिल्लो चार वर्षमा भारतको तिरुपति, हङकङ र अष्ट्रेलिया सम्बन्ध विस्तार गरेर आफ्नो कार्यक्रम लागू गरेको छ ।पछिल्ला चार वर्षयता केयूमा एक दिन पनि प्राध्यापक र शिक्षकका कारण पठनपाठन समेत अवरुद्ध भएको छैन । तुलनात्मक रुपमा केयूमा विद्यार्थीको आकर्षण पनि देखिएको छ ।
खुसी
दुःखी
अचम्मित
उत्साहित
आक्रोशित
