मृतक एक्स्काभेटर अपरेटर खानीखोला गाउँपालिका वडा नं २ घर भई हाल पनौती नगरपालिका वडा नं ९ स्थित सुन्थानमा बस्दै आएका अन्दाजी ३५ वर्षीय रामबहादुर तिमल्सिना रहेका छन्
काभ्रेपलाञ्चोक/ मंगलबार साँझ ५ः३० बजे काभ्रेको पनौती नगरपालिका वडा नं १२ स्थित रोशीको रुसी ढुंगा खानीमा ढुंगा उत्खनन गर्ने क्रममा पहिरो झरेर एक्स्काभेटरसमेत पुरिँदा अपरेटरको मृत्यु भएको छ ।
जिल्ला प्रहरी कार्यालय काभ्रेका प्रमुख प्रहरी उपरीक्षक कोमल शाहका अनुसार, मृतक एक्स्काभेटर अपरेटर खानीखोला गाउँपालिका वडा नं २ घर भई हाल पनौती नगरपालिका वडा नं ९ स्थित सुन्थानमा बस्दै आएका अन्दाजी ३५ वर्षीय रामबहादुर तिमल्सिना रहेका छन् । उनको घटनास्थलमै मृत्यु भएको हो ।
शाहका अनुसार, सोही पहिरोमै पुरिएर टिपर चालक पनौती नगरपालिका वडा नं १२ का अन्दाजी ३५ वर्षीय ईश्वर गुरुङ घाइते भएका छन् । उनलाई उद्धार गरेर उपचारको लाग बनेपास्थित शीर मेमोरियल एडभेन्टिस्ट अस्पताल पठाइएको प्रहरी प्रमुख शाहले जानकारी दिए । घटनाबारे अनुसन्धान भइ रहेको प्रहरीले जनाएको छ ।
खुसी
दुःखी
अचम्मित
उत्साहित
आक्रोशित
