महासचिव दीपक धामीको नेतृत्वमा पुगेको टोलीले राष्ट्रिय धरोहरमा आगजनी गर्ने र दण्डहीनतालाई प्रश्रय दिने काम भइरहेको बताउँदै तत्काल कानुनी दायरामा ल्याउन माग गरेको छ ।
काठमाडौं / काठमाडौं महानगरका मेयर बालेन्द्र शाह र जेनजी अभियन्ता सुदन गुरुङलाई कारबाहीको माग गर्दै एमाले निकट अनेरास्ववियूले प्रहरीमा जाहेरी दिएको छ ।
प्रहरीले सरकारी वकिलसँगको सल्लाहपछि दर्ता गर्ने कि नगर्ने निर्णय गर्ने जवाफ अखिलका नेताहरुलाई दिएको छ । महासचिव दीपक धामीको नेतृत्वमा पुगेको टोलीले राष्ट्रिय धरोहरमा आगजनी गर्ने र दण्डहीनतालाई प्रश्रय दिने काम भइरहेको बताउँदै तत्काल कानुनी दायरामा ल्याउन माग गरेको छ ।
“अराजकता मच्चाउने काम गरिएको छ । देशका संस्कृतिक धरोहर जलाउने काम भएको छ । हाम्रो देशको शान्तिको प्रतीकलाई विध्वंश गर्ने काम भएको छ,” धामीले भने, “उनीहरुलाई कानुनी कारबाही गर्नुपर्छ भन्ने हाम्रो माग रहेको छ ।”
उनले कोविरुद्ध हो जाहेरी भन्ने नबताए पनि अखिलका एक नेताले दिएको जानकारीअनुसार बालेन शाह र सुदन गुरुङलाई कारबाही गर्नुपर्ने माग गरिएको छ ।
खुसी
दुःखी
अचम्मित
उत्साहित
आक्रोशित
