काठमाडौ महानगरपालिकाले महाँकाल मन्दिर चौघेरा सत्तल पुनःनिर्माण कार्य सुरु गरेको १५ महिना भएको छ ।
यस मन्दिरका बारेमा महानगरका मेयर बालेन शाहले लेखेका छन्:
काठमाडौको मुटु टुँडिखेल छेउमा रहेको महाँकाल मन्दिर केवल काठ, इटा र ढुङ्गाको संरचना मात्र होइन, यो हाम्रो इतिहास, विश्वास र संस्कृतिको धरोहर हो । करिब १३ सय वर्ष पुरानो यो मन्दिर, हिन्दू–बौद्ध आस्था, तान्त्रिक यात्रा र राजकुमारी भृकुटीको कथासँग जोडिएको स्मृति हो ।तर लामो समयदेखि विभिन्न निकाय र स्थानीय समुदायबीच सहमति नजुट्दा यो काम अघि बढ्न सकेको थिएन ।
२०७२ को भुकम्पमा पुनर्निर्माण गर्नपर्ने यस मन्दिर विभिन्न कारणबस १० बर्ष लागेको यो परियोजना २०८०/८१ को बजेटमा विनियोजन भएर, २०८१ असार १९ गतेबाट आधिकारिक रूपमा सुरु भएको हो ।
यसैको संरक्षण र निरन्तरताका लागि महाँकाल मन्दिर चौघेरा सत्तल पुनःनिर्माण कार्य सुरु भएको छ ।
लागत: रु १० करोड ५ लाख
निर्माण अवधि: ३ वर्ष (२०८१ असार १९ देखि २०८४ असार १९ सम्म)
क्षेत्रफल: ५८३.८१ वर्गमिटर
पुनःनिर्माणपछि:
भुइँतलामा ९ कोठा,
पहिलो तलामा सभाकक्ष र भण्डारण,
छानामा परम्परागत बुइँगल र झिँगटी टायल,
परम्परागत ढोका–झ्याल, काठको कलात्मकता, हरियाली र पदयात्रा मार्गसहितको वातावरण रहनेछ ।
खुसी
दुःखी
अचम्मित
उत्साहित
आक्रोशित
