सिन्धुली/प्रतिनिधिसभा सदस्य निर्बाचन अन्तर्गत सिन्धुलीको निर्वाचन क्षेत्र नं. २ बाट राष्ट्रिय स्वतन्त्र पार्टी (रास्वपा)का उमेद्वार आशिष गजुरेल विजयी बन्नुभएको छ ।
उहाँले १७ हजार ९४० मत प्राप्त गरि विजयी हुनुभएको मुख्य निर्वाचन अधिकृतको कार्यालयले जनाएको छ । कार्यालयकाअनुसार विजयी गजुरेलका निकटतम प्रतिद्वन्द्वी नेपाली कम्युनिष्ट पार्टीका उमेद्वार लेखनाथ दाहाल(राजन)ले १४ हजार ७८० मत प्राप्त गर्नुभएको छ ।
नेकपा (एमाले)का मनोजजंग थापाले ११ हजार ६०६ र नेपाली काँग्रेसका शुशिला थिङ्ले ६ हजार ७६० मत प्राप्त गर्नुभएको छ ।
त्यस्तै स्वतन्त्र उमेद्वारी दिनु भएका नेपाली काँग्रेसका वागी उमेद्वार खड्गबहादुर वाईवाले ४५८ र अर्का स्वतन्त्र उमेद्वार (नेकपाका बागी) का महेश्वर दाहालले ५८६ मत प्राप्त गर्नु भएको छ ।
यो निर्वाचन क्षेत्रमा विजयी गजुरेल सहित १६ जना उमेद्वार चुनावी प्रतिस्पर्धाका लागि मैदानमा थिए । मुख्य निर्बाचन अधिकृत कमलराज विष्टले शनिबार नै विजयी गजुरेललाई प्रमाणपत्र प्रदान गर्नुभएको छ ।
खुसी
दुःखी
अचम्मित
उत्साहित
आक्रोशित
