ध्वस्त भएका सार्वजनिक संरचनाको पुनर्निर्माण र नेपाल प्रहरीलाई पुर्नस्थापित गर्न आवश्यक सहयोग गर्न ‘रोटरी एक्सन ग्रुप’ निर्माण गरी विभिन्न कार्यक्रम गरिएको रोटरी क्लब अफ मातृभूमि बालुवाटारका अध्यक्ष निर्मल ढकालले जानकारी दिए।
गत हप्ता भएको भ्रष्टाचार विरुद्धको जेन–जी आन्दोलन पछि आवश्यक राहत तथा उद्धारमा विभिन्न रोटरी क्लबहरूले अभियान सञ्चालन गरेका छन्। रोटरीको ‘सर्भिस एभव सेल्फ’को नारालाई आत्मसात गर्दै रोटरीका विभिन्न क्लबहरूले विभिन्न सेवा कार्य सम्पन्न गरेका हुन्।
आन्दोलनका क्रममा भएका घाइतेको उद्धार, उपचार, रक्तदान, खाना, सर्जिकल सामग्री तथा ध्वस्त भएका सार्वजनिक संरचनाको पुनर्निर्माण र नेपाल प्रहरीलाई पुर्नस्थापित गर्न आवश्यक सहयोग गर्न ‘रोटरी एक्सन ग्रुप’ निर्माण गरी विभिन्न कार्यक्रम गरिएको रोटरी क्लब अफ मातृभूमि बालुवाटारका अध्यक्ष निर्मल ढकालले जानकारी दिए।
विरोध प्रदर्शनको चरम समयमा पनि एक्सन ग्रुपले आफ्नो ज्यान जोखिममा राखेर घाइतेको उपचारमा रगत अभाव हुन नदिन भदौ २४ गते बालाजु चोकमा आकस्मिक ब्लड डोनेसन क्याम्प सञ्चालन गरी ७९ पोका रगत संकलन गरेको र आन्दोलन स्थल बानेश्वरबाट सिभिल, टिचिङ र ग्रिन सिटी हस्पिटलमा घाइतेलाई पुर्याउने काम भएको र भदौ २५ गते घाइते तथा कुरुवाको लागि खाना, खाजामा सहयोग र घाइतेलाई उपचार पश्चात् घरसम्म पुरयाउन आफ्नै गाडीमार्फत सेवा प्रदान गरेको र एम्बुलेन्स भाडामा लिई घाइतेको उद्धार गरेको अध्यक्ष ढकालले जानकारी दिए।
त्यस्तै एक्सन ग्रुपले सुरक्षार्थ र उपचारार्थ खटिने मेडिकल टिमलाई खाजा, पानी, मास्क र ग्लोभ्स दिएर सहयोग गर्दै आएको छ। त्यस्तै ध्वस्त संरचना पुनर्निर्माणका लागि बसुन्धारा चौकीमा खानेपानी ट्यांकी दिँदै सरसफाई, खाजा, नगद संकलन, थापाथली ट्राफिक प्रहरीमा सरसफाइ, सिरक डस्ना, तन्ना तकिया र अन्य सहयोग गर्दै आएको ढकालले जानकारी दिए। ग्रुपले तारकेश्वर नगरपालिकाको धर्मस्थलीमा प्रहरीलाई पुर्नस्थापित गर्न ३ थान कम्प्युटर १ थान प्रिन्टर सहयोग गरेको छ।
रोटरी इन्टरनेसनल डिष्ट्रिक्ट ३२९२ अन्तर्गतका १३ वटा रोटरी क्लबका अध्यक्षहरू मिलेर ‘रोटरी एक्सन ग्रुप’ गठन भएको हो। ग्रुपले विभिन्न प्रहरीचौकीमा आवश्यकता पहिचान र सुरक्षा जाँच पोस्ट पुनः सञ्चालनका लागि आवश्यक पुनर्निर्माणका लागि स्थानीय निकाय र अन्य क्लबसँग समन्वय गरिरहेको समूहकै अर्को रोटरी क्लबका अध्यक्ष राजाराम फुँयालले बताए। बिरामी तथा घाइतेहरुको उद्धार, आकस्मिक रक्तदान, प्रहरीको सेवा यथासिग्र सुरुवात गर्नका लागि अत्यावस्यक सर सामानहरु साथै अन्य आपतकालीन कार्यमा तत्काल सेवामा तत्पर रहने प्रतिबद्धताका साथ रोटरी इन्टरनेसनल डिष्ट्रिक्ट ३२९२ अन्तर्गतका १३ वटा रोटरी क्लबका अध्यक्षहरूको यो टोली ‘रोटरी एक्सन ग्रुप’को नामले चिनिन रुचाउँछन् र उनीहरूको मूल नारा ‘सर्भिस अबभ सेल्फ’ रहेको रोटरी एक्सन ग्रुप मध्यका एक रोटरी क्लबका अध्यक्ष रोटरियन अमोल प्रधानले बताए।
खुसी
दुःखी
अचम्मित
उत्साहित
आक्रोशित
