रामेछाप/कारागार कार्यालय रामेछापको जेलमा रहेका कैदीबन्दिहरु भाग्न खोजेपछि नेपाली सेनाले गोली चलाउँदा ३ जनाको मृत्यु भएको छ ।
बिहीबार बिहानै कारागार भित्र रहेका कैदीबन्दिहरुले जेलको भित्रको गेट तोडेर बाहिरी गेट तोड्न लागेपछि सेनाले स्थितिलाई नियन्त्रणमा लिन गोली चलाउँदा ३ जनाको मृत्यु भएको हो ।
अस्पतालमा ल्याइएका घाइते मध्ये ३ जना मृत्यु भएको रामेछाप अस्पतालले जनाएको छ । गोली लागेर १३ जना कैदीहरू घाइते भएको रामेछापका प्रजिअ श्यामकृष्ण थापाले जानकारी दिनुभयो ।
बिहानै कारागार परिसरमा गोली चलेको आवाज सुनिएको रामेछाप बजारका स्थानीयहरूले बताएका छन् । घाइते कैदीबन्दिहरुलाई अहिले जिल्ला अस्पताल रामेछापमा उपचारका लागि लगिएको छ ।
रामेछाप कारागारमा ३ सय ३५ जना कैदीबन्दीहरु रहेको प्रजिअ थापाले बताउनु भयो । अहिले स्थिति नियन्त्रणमा आइसकेको रामेछाप प्रशासनले जनाएको छ ।
खुसी
दुःखी
अचम्मित
उत्साहित
आक्रोशित
