थाई टाइकुन अनुतिन चार्नविराकुलले आइतबार प्रधानमन्त्रीको पदभार ग्रहण गर्नुभएको छ ।
राजाको अनुमोदनसँगै उहाँ देशका नयाँ नेता बन्नुभएको हो । यससँगै कन्जरभेटिभ कार्यकालको नयाँ चरण सुरु भएको छ ।
“महामहिम राजाले अबदेखि श्री अनुतिन चार्नविराकुललाई प्रधानमन्त्रीका रूपमा अनुमोदन गर्नुभएको छ”, थाइल्यान्डको संसद्को तल्लो सदनका महासचिव अर्पथ सुखानुन्थले बैङ्ककस्थित अनुतिनको भुमजाइथाई पार्टीको मुख्यालयमा आयोजित समारोहमा शाही आदेश वाचन गर्दै घोषणा गर्नुभयो ।
अन्ठाउन्न वर्षीय अनुतिनले यसअघि उपप्रधानमन्त्री, गृह मन्त्री र स्वास्थ्य मन्त्रीका रूपमा सेवा गरिसक्नुभएको छ । तर उहाँ विशेषगरी थाइल्यान्डमा सन् २०२२ मा भएको गाजा आपराधीकरण प्रक्रियाका प्रमुख योजनाकारका रूपमा चर्चित हुनुहुन्छ ।
उहाँ दुई वर्षको अवधिमा देशका तेस्रो प्रधानमन्त्री बन्नुभएको हो । तर उहाँले गठबन्धनको समर्थन त्यतिबेला मात्रै प्राप्त गर्नुभएको छ जतिबेला उहाँले चार महिनाभित्र संसद् विघटन गरी नयाँ चुनाव गराउने सर्त स्वीकृत गर्नुभएको छ ।
अनुतिनले लोकप्रिय सिनावात्रा परिवारको फेउ थाई पार्टीलाई सत्ताबाट हटाउनुभएको छ । सो पार्टीले सन् २०२३ को चुनावदेखि नै कार्यकारी सत्तामा पकड जमाइरहेको थियो । तर यसको वंशानुगत नेत्री पेटोङटार्न सिनावात्रालाई गत महिना अदालतको आदेशमार्फत प्रधानमन्त्री पदबाट बर्खास्त गरिएको थियो ।
खुसी
दुःखी
अचम्मित
उत्साहित
आक्रोशित
