उहाँले दलहरू सधैँ जनतासँग रहने तर दरबारियाहरू आफ्नो स्वार्थमा केन्द्रित हुने बताउनुभयो
लुम्बिनी। उपप्रधान तथा अर्थमन्त्री विष्णुप्रसाद पौडेलले सङ्घीय लोकतान्त्रिक गणतन्त्रको पक्षमा सबै एकजुट हुनुपर्ने बताउनुभएको छ ।
उहाँले संविधानको विरोधमा अनर्गल प्रचार गर्ने र नेपालीको एकताको अभियानमा खण्डित बनाउनेसँग सचेत हुनुपर्ने बताउनुभयो । नेकपा एमालेले आज बुटवलमा आयोजना गरेको जनजागरण सभालाई सम्बोधन गर्दै उपप्रधानमन्त्री पौडेलले देशको व्यवस्था बदल्ने उद्देश्यले अघि बढेकाहरु मुलुक निर्माणतर्फ लाग्नुपर्नेमा जोड दिनुभयो ।
पार्टी उपाध्यक्षसमेत रहनुभएका उपप्रधानमन्त्री पौडेलले नेकपा (एमाले) सँग देश बनाउने योजना, सही विचार र सक्षम नेतृत्व भएकाले एमालेको नेतृत्वमा मात्र देशलाई विकास र समृद्धिको यात्रामा अगाडि बढाउन सकिने उल्लेख गर्नुभयो ।
उहाँले दलहरू सधैँ जनतासँग रहने तर दरबारियाहरू आफ्नो स्वार्थमा केन्द्रित हुने बताउनुभयो । “अहिले एमालेलाई कमजोर बनाउन त्यही शक्ति लागेका छन्, यो एमाले विरुद्धको प्रहार हो”, उहाँले भन्नुभयो, “एमालेलाई कमजोर बनाउने प्रतिक्रियावादीको योजना चिर्नु सबै कार्यकर्ताको दायित्व हो ।”
।
नेकपा (एमाले) केन्द्रीय सचिव तथा लुम्बिनी इञ्चार्ज पद्मा अर्यालले पार्टी नेतृत्वको साख गिर्न नदिने गरी सबै पार्टी पंक्तिले साथ दिनुपर्ने बताउनुभयो । “समाजलाई भयभित बनाउने काम भइरहेको छ”, उहाँले भन्नुभयो, “सरकारका अभियानलाई नेपाली जनताले साथ दिनैपर्छ ।”
कार्यक्रममा नेकपा एमाले रुपन्देहीका अध्यक्ष यज्ञ गैरे, उपाध्यक्ष हितराज पन्थी र जिल्ला सचिव चित्रबहादुर केसीले जनजागरण सभा कोही कसैका बिरुद्धमा नभइ राष्ट्रिय एकता, सार्वभौम सत्ताको रक्षा र सङ्घीय लोकतान्त्रिक गणतन्त्रको पक्षमा जनताको ऐक्यबद्धताका लागि आयोजना गरिएको बताउनुभयो ।
खुसी
दुःखी
अचम्मित
उत्साहित
आक्रोशित
