काठमाडौं/ भाटभटेनी सुपरमार्केटमा भएको तोडफोड र लुटपाट घटनामा संलग्न रहेको आरोपमा ९ जना व्यक्तिलाई प्रहरीले पक्राउ गरेको छ। पूर्वराजा समर्थकहरूद्वारा शुक्रबार कोटेश्वरमा आयोजित प्रदर्शनका क्रममा भएको हिंसात्मक गतिविधिपछि भएको लुटपाटमा संलग्नहरूलाई प्रहरीले चैत १६ र १७ गते काठमाडौंका विभिन्न स्थानबाट पक्राउ गरेको हो।
पक्राउ परेकाहरू सबै कोटेश्वर र नरेफाँट क्षेत्रमै बसोबास गर्नेहरू रहेको प्रहरीले जानकारी दिएको छ। पक्राउ परेका व्यक्तिहरूमध्ये धनुषा, सर्लाही, भारत, नुवाकोट, सुनसरी, सिन्धुपाल्चोक र सिन्धुली जिल्लाका स्थायी बासिन्दा रहेको खुलेको छ। उनीहरूलाई थप अनुसन्धानका लागि प्रहरी वृत्त बानेश्वरमा पठाइएको छ।
पक्राउ परेका व्यक्तिहरूबाट प्रहरीले लुटिएको सामग्रीसहितको विवरण सार्वजनिक गरेको छ।
बरामद सामान:
प्रदर्शनको नाममा सार्वजनिक तथा निजी सम्पत्तिमा आक्रमण, लुटपाट र अनुशासनविहीन गतिविधि भएकाले घटनामा संलग्नहरूलाई कानुनी कारबाही अघि बढाइने प्रहरीले जनाएको छ।
खुसी
दुःखी
अचम्मित
उत्साहित
आक्रोशित
