महानगरपालिकाले पूर्वराजा शाहलाई ८ वटा पत्र काटेको छ
काठमाडौँ । काठमाडौँ महानगरपालिकाले पूर्वराजा ज्ञानेन्द्र शाहलाई ७ लाख ९३ हजार जरिवाना गरेको छ।
शुक्रबार राजवादीले राजधानीको तीनकुने क्षेत्रमा प्रदर्शन गरेका राजावादीले वातावरण प्रदूषण गरेको लगायतका विभिन्न शीर्षकमा महानगरले ७ लाख ९३ हजार जरिवाना गर्ने निर्णय गरेको हो।
पूर्वराजाको सहमतिमा आयोजित प्रदर्शनमा फोहोरमैला गरेको लगायतका कारण देखाउँदै जरिवाना र क्षतिपूर्ति माग गर्दै पत्र काटेको हो ।
आन्दोलनका क्रममा तीनकुने, कोटेश्वर लगायत क्षेत्रमा तोडफोड र आगजनी भएको थियो । महानगरले वातावरण तथा प्राकृतिक स्रोत संरक्षण ऐन २०७७ र काठमाडौँ महानगरपालिकाको आर्थिक ऐन बमोमिज जरिवाना गरिएको जनाएको छ । महानगरपालिकाले पूर्वराजा शाहलाई ८ वटा पत्र काटेको छ ।
महानगरपालिकाको पत्रमा उल्लेख गरिएको शिर्षक अनुसार कोटेश्वरको सडक तथा सडकपेटीमा जथाभावी फोहोर गरेकोमा १ लाख रुपैया, महादेवस्थानको सडक तथा सडकपेटीमा जथाभावी फोहोर गरेकोमा १ लाख रुपैया, तीनकुनेको सडक तथा सडकपेटीमा जथाभावी फोहोर गरेकोमा १ लाख रुपैया, जडीबुटीको सडक तथा सडकपेटीमा जथाभावी फोहोर गरेकोमा १ लाख रुपैया, बालकुमारीको सडक तथा सडकपेटीमा जथाभावी फोहोर गरेकोमा १ लाख रुपैया, सिनामंगलको सडक तथा सडकपेटीमा जथाभावी फोहोर गरेकोमा १ लाख रुपैया, दमकल तोडफोड गरेकोमा १ लाख रुपैया ३० हजार र तीनकुनेमा रुख, बिरुवा, रेलिङ तोडफोड गरेकोमा ६३ हजार रुपैया जरिवाना तोकिएको छ।
सबै पत्र हेर्नुहोस
खुसी
दुःखी
अचम्मित
उत्साहित
आक्रोशित
