काठमाडौं/ शंकरापुर नगरपालिका- ६ साँखु, सलम्बुटारस्थित बाल आश्रयस्थलमा टिपर पस्दा तीन बालबालिकाको ज्यान गएको छ।
द्वन्द्वपीडित तथा अपांग समाज नेपाल (सीभीडीएस)ले सञ्चालन गरेको आश्रयस्थलमा आज बिहान करिब ३:४० बजे बा २ क ६५८० नम्बरको टिपर बाटो छाडेर बेवारिसे बालबालिकाहरू बस्ने आश्रयस्थलको टहराभित्र छिर्दा सो दुर्घटना भएको हो।
प्रहरी परिसर काठमाडौंका प्रवक्ता अपीलराज बोहोराका अनुसार टिपरको ठक्करबाट दुई जना बच्चा र एक वृद्ध गरी तीन जनाको मृत्यु भएको छ।
सो टहरोमा ६१ जना बस्दै आएका छन् । टिपरले ठक्कर दिएको कोठामा १० जना सुतिरहेका जिल्ला प्रहरी परिसर काठमाडौँका प्रवक्ता प्रहरी उपरीक्षक अपीलराज बोहराले जानकारी दिनुभयो ।
सुतिरहेको अवस्थामा टिपरको ठक्करबाट ठेगाना नखुलेका २१ वर्षीय आकाश, २१ वर्षीय सुमन र ४५ वर्षीय हरिजन घाइते भएका थिए । उनीहरुको नेपाल मेडिकल कलेज अत्तरखेलमा उपचारका क्रममा मृत्यु भएको उहाँले बताउनुभयो ।
टिपर चालक सिन्धुपाल्चोकका अन्जादी २५ वर्षीय सागर माझीलाई बौद्ध प्रहरीले नियन्त्रणमा लिएको छ।
घटनाबारे थप अनुसन्धान भइरहेको प्रहरीले जनाएको छ।
खुसी
दुःखी
अचम्मित
उत्साहित
आक्रोशित
२०८१ चैत २ गते
