काठमाडौं । इटालीका विश्वकप विजेता गोलकिपर जियानलुइजी बुफोन नेपाल आएका छन् । राष्ट्रिय युवा संघको आयोजनामा भइरहेको केपी ओली कपको फाइनल खेलका निम्ति उनी नेपाल आएका हुन् ।
संघका उपाध्यक्ष तथा प्रवक्तासमेत रहेका कृष्णहरी केसीले आइतबार प्रतियोगिताका निम्ति बुफोन नेपाल आइसकेको जानकारी दिए ।
इटालीले सन् २००६ मा फ्रान्सलाई हराएर विश्वकपको उपाधि जित्दा बुफोन प्रतियोगिताको उत्कृष्ट गोलकिपर चुनिएका थिए । उनले इटालीबाट १७६ अन्तर्राष्ट्रिय खेलमा प्रतिनिधित्व गरेका छन् ।
सन् १९९७ मा अन्तर्राष्ट्रिय फुटबलमा डेब्यू गरेका बुफोनले सन् २०१८ मा सन्न्यास लिएका थिए । उनले व्यावसायिक फुटबलबाट भने सन् २०२३ मा सन्न्यास लिएका थिए ।
खुसी
दुःखी
अचम्मित
उत्साहित
आक्रोशित
