त्रि.वि., विश्वविद्यालय क्याम्पस, किर्तिपुरकी काेषाध्यक्ष पद्मा भुसाल
काठमाडौं/त्रिभुवन विश्वविद्यालयमा भएका डीन र २४ वटा आंगिक क्याम्पसमा प्रमुखहरूको नियुक्ति गर्यो । हाल त्रिविका ६४ वटा आङ्गिक क्याम्पस सञ्चालनमा छन्, जसमध्ये २४ वटामा क्याम्पस प्रमुख नियुक्ति गरिएको हो ।
तर पछिल्लो समय भएको डीनको नियुक्ति र हालैको क्याम्पस प्रमुख नियुक्तिमा समेत विभेद भएको भन्दै त्रि.वि., विश्वविद्यालय क्याम्पस, किर्तिपुरकी काेषाध्यक्ष पद्मा भुसालले आपत्ति जनाएकी छिन् ।
खुला प्रतिस्पर्धाबाट चयन भएका भनिएका त्रिवि पदाधिकारीहरूले समेत पुरानै भागवण्डाको प्रवृत्ति दोहोर्याएको र नाम मात्रैको मेरिट बेस बनाइएको आरोप भुसालको छ ।
साथै, महिला प्राध्यापकहरूलाई अवसरबाट वञ्चित गरिएको भन्दै उनले लैंगिक विभेद भएको आरोपसमेत लगाएकी छिन् ।
शुक्रबार एक विज्ञप्ति जारी गर्दै भुसालले नियुक्ति प्रक्रियामा भागबन्डा गरिएको र समावेशीताको सिद्धान्तको पालना नगरेको भन्दै त्रिवि पदाधिकारीको ध्यानाकर्षण गराएकी हुन् ।
‘के महिला हुनु नै अयोग्यता हो ?,’ विज्ञप्तिमा उल्लेख छ, ‘सक्षम महिला प्राध्यापकहरू प्रतिस्पर्धामा नआउनुका पछाडि विगतमा उनीहरूमाथि भएका अपमानजनक व्यवहार पनि हुन् । यदि आगामी दिनमा पनि यस्तै अवस्था दोहोरिएमा कडा कदम चाल्न बाध्य हुनेछौँ ।’
खुसी
दुःखी
अचम्मित
उत्साहित
आक्रोशित
