काठमाडौँ मेडिकल कलेजमा इन्टर्नसिप गरिरहेका विद्यार्थी आन्दोलनमा उत्रिएका छन । कलेजले नियमविपरीत शुल्क लिएपछि उनीहरु आन्दोलनमा उत्रेका हुन् ।
चिकित्सा शिक्षा ऐनअनुसार इन्टर्नसिप विद्यार्थीलाई मेडिकल कलेजले तलब दिनुपर्ने व्यवस्था भए पनि कलेजले इन्टर्नसिपको नाममा दुई लाख असुलेको भन्दै विद्यार्थीहरुले कलेजको आकस्मिक कक्षअगाडि प्लेकार्डसहित प्रदर्शन गर्दै आन्दोलनरत छन् ।
सो कलेजको एमबिबिएस २०१८ ब्याचका विद्यार्थी यसरी आन्दोलनमा उत्रेका हुन् । उनीहरूले नियमविपरीत विभिन्न शीर्षकमा मेडिकल कलेजले चर्को शुल्क लिएको आरोप लगाएका छन । मेडिकल कलेजले सामुदायिक फिल्ड भिजिटको नाममा चार लाख ८० हजार शुल्क लिएको बताएका छन ।
एक जना विद्यार्थीबाट विभिन्न शीर्षकमा ८८ लाख शुल्क लिएको र कलेजले परीक्षा शुल्क भनेर छुटटै शुल्क लिन नपाउने व्यवस्था भए पनि शुल्क लिएको विद्यार्थीको दाबी छ । भिजिटमा शुल्क लिन नपाउने व्यवस्था रहे पनि लाखौँ रुपियाँ लिनु गलत भएको उनीहरूको भनाई छ ।
आन्दोलनरत विद्यार्थीले विद्यार्थीले कानुनविपरीत शुल्क लिएको भन्दै शुल्क फिर्ताको माग गर्दा सुनुवाइ नभएपछि आन्दोलनमा उत्रनु परेको बताएका छन् । यो कलेज काठमाडौं विश्वविद्यालयको सम्बन्धनमा सञ्चालन हुँदै आएको छ ।
खुसी
दुःखी
अचम्मित
उत्साहित
आक्रोशित
