अवैध पेस्तोल लुकाइराखेको अभियोगमा पनौती नगरपालिका वडा नं. १ का ३६ वर्षिय प्रेम तामाङलाई भक्तपुर प्रहरीले पक्राउ गरेको छ ।
गोप्य सूचनाको आधारमा उनलाई सोमवार पक्राउ गरिएको प्रहरीले जनाएको हो ।
जिल्ला प्रहरी परिसर भक्तपुरबाट खटिएको प्रहरी टोलीले भक्तपुर सूर्यविनायक नगरपालिका वडा नं ८ रानीकोटमा गई बुझेकोमा तामाङ पनौती नगरपालिका वडा नं. १ स्थित घरमा रहेको भन्ने अनुसन्धानको क्रममा खुल्न आएको थियो ।
निजको स्थायी वतनमा प्रहरी टोली खटिई गई घर खानतलासी गरेको थियो ।
त्यसपछि निजले अबैध रुपमा लुकाई छिपाई राखेको थान एक पेस्तोल र सो पेस्तोलको म्याग्जिनमा ३ राउण्ड गोली लोड भएको अवस्थामा फेला पारेको प्रहरीले जनाएको छ ।
हतियारसहित प्रहरी नियन्त्रणमा रहेका तामाङका सम्बन्धमा जिल्ला प्रहरी परिसर भक्तपुरले थप अनुसन्धान सुरु भएको बताएको छ ।
खुसी
दुःखी
अचम्मित
उत्साहित
आक्रोशित
