असोज दोस्रो साता आएको वर्षा र बाढी-पहिरोका कारण सहरी विकास अन्तर्गत आयोजनामा झन्डै ३ अर्ब रुपैयाँ बराबर क्षति भएको छ ।
सहरी विकास मन्त्रालयले बुधबार पत्रकार सम्मेलन गर्दै यसबारे जानकारी दिएको हो । सहरी विकास आयोजनामा २ अर्ब ८८ करोड ३४ लाखको क्षति पुगेको मन्त्रालयका सहसचिव एवं प्रवक्ता बिनु बज्राचार्य कुँवरले जानकारी दिइन् ।
उनका अनुसार दुई वटा स्वास्थ्य चौकी भवनमा क्षति पुगेको छ । मन्त्रालयले व्यवस्थापन गर्ने ३५ सडकमा क्षति पुगेको देखिएको छ । जसमा बाटो स्तरोन्नति गर्नुपर्ने देखिएको छ । कतै सडक स्तरोन्नति गर्नुपर्ने छ ।
कुनै स्थानमा स्मार्ट सडक बत्तीमा समेत क्षति भएको छ । सडकमा ११ करोड ५७ लाख रुपैयाँ बराबर क्षति भएको छ ।
स्थानीय पूर्वाधार विकासतर्फ ३२ झोलुङ्गे पुलमा पूर्णरूपमा क्षति पुगेको छ । २८ पुलमा भने आंशिक क्षति पुगेको छ । झोलुङ्गे पुलमा सर्वाधिक १ अर्ब ७७ करोड ४ लाख बराबर क्षति भएको छ ।
बागमती, मनोहरा, धोबीखोला, विष्णुमती, बल्खु, नख्खु, हनुमन्ते, कर्मनासा लगायत बाढीले माटो थप्ने र ग्रेगान निकाली क्षति गरेको छ । साथमा तटबन्ध, पर्खाल र बाटोमा समेत क्षति पुगेको छ । यसको पुनर्निर्माणमा ८२ करोड ८१ लाख बराबर क्षति पुगेको अनुमान मन्त्रालयले गरेको छ ।
काठमाडौं उपत्यका विकास प्राधिकरण अन्तर्गत चाँगुनारायण, मध्यपुर थिमि र सूर्यविनायक नगरपालिकामा पर्खाल भत्किएको छ । सूर्यविनायक नगरपालिकामा सडक भासिएको छ । रोजबड स्कुल नजिकैको आरसीसी पुल बगेको छ ।
धोबीखोला करिडोर अन्तर्गत खोला छेउका रिटेनिङ वाल, करिडोरको बाटो र अन्य पूर्वाधारमा २४ किलोमिटरसम्म क्षति पुगेको र यी सबैको पुन निर्माणमा ११ करोड ४६ लाख रुपैयाँ लाग्ने अनुमान मन्त्रालयको छ ।
खुसी
दुःखी
अचम्मित
उत्साहित
आक्रोशित
