काभ्रे – जिल्ला स्थित पनौती नगरपालिका वडा नं ६ स्थित नेपाल प्रहरी एकेडेमीको निर्माणाधिन भवनमा एक जना कामदारको करेन्ट लागेर मृत्यु भएको जिल्ला प्रहरी कार्यालय काभ्रेले जनाएको छ ।
आइतबार ५ बजेको समयमा काभ्रेको पनौती नगरपालिका वडा नं ६ स्थितमा सप्तरी जिल्लाको कृष्णसरोबर नगरपालिका घर भई प्रहरी एकेडेमीको निर्माणाधिन भवनमा लेबर काम गर्ने वर्ष २० वर्षीय सबिन चौधरीलाई ढलान गर्ने क्रममा करेन्ट लागि घाईते भई उपचारको भएको जिल्ला प्रहरी कार्यालय काभ्रेका सूचना अधिकारी प्रहरी नायब उपरीक्षक राज कुमार श्रेष्ठले जानकारी दिए ।
उनका अनुसार, उपचारका लागि उनलाई ६ः३० बजे धुलिखेल अस्पताल लगिएकोमा ७ः०० बजे उपचारको क्रममा मृत्यु भएको अस्पतालबाट जानकारी प्राप्त भएको छ ।
यस विषयमा प्रहरीले आवश्यक अनुसन्धान गरिरहेको प्रहरीले जनाएको छ ।
खुसी
दुःखी
अचम्मित
उत्साहित
आक्रोशित
