काभ्रे – काभ्रेपलाञ्चोक जिल्लाको मण्डनदेउपुर नगरपालिका ५ स्थित डोटेलगाउँमा पहिरोले एक घर पुरिएको जिल्ला प्रहरी कार्यालय काभ्रेले जनाएको छ ।
विरल वर्षापछि बुधबार २ बजेतिर गएको पहिरोले मण्डनदेउपुर–५ डोटेलगाउँका ६२ वर्षीय दुर्गाप्रसाद डोटेलको घरमा क्षति पुर्याएको जिल्ला प्रहरी कार्यालय काभ्रेका सूचना अधिकारी प्रहरी नायब उपरीक्षक राजकुमार श्रेष्ठले जानकारी दिए ।
उनका अनुसार ढुंगा, माटोले बनेको २ तले घरको पछाडिको भाग पहिरोले पुरिएको हो ।
घर पुरिँदा डोटेलका खाद्यान्न, लत्ताकपडासहित पाँच लाख ५० हजार रुपैयाँ बराबरको धनमाल क्षति भएको प्रहरी नायब उपरीक्षक श्रेष्ठले बताए ।
खुसी
दुःखी
अचम्मित
उत्साहित
आक्रोशित
