महोत्तरी – फिरौती मागेको अभियोगमा महोत्तरीको जलेश्वर मन्दिरबाट दुई जनालाई प्रहरीले पक्राउ गरेको छ ।
पक्राउ पर्नेमा रामगोपालपुर –५ घर भई जलेश्वर डेरा गरी बस्ने २४ वर्षीय सुनिल कुमार राउत र १९ वर्षीय करण मण्डल रहेको प्रहरीले जनाएको छ ।
जलेश्वर नगरपालिका – ५ का गफुर राईनलाई पैसा माग गरिएको र पैसा नदिए धम्कीपूर्ण भाषा प्रयोग गरेको आरोपमा उनीहरुलाई पक्राउ गरिएको जिल्ला प्रहरी कार्यालय महोत्तरीका प्रहरी निरीक्षक धर्मराज मुडभरीले बताए ।
उनका अनुसार, पक्राउ परेको दुबै जनाले केही दिन देखी अगाडि बाटोमा चिठ्ठी दिएर ९२ हजार रुपैयाँ माग गरिएको र पैसा नदिए धम्कीपूर्ण भाषा प्रयोग गरिएको सूचना प्राप्त भएपछि शुक्रबार जलेश्वर मन्दिरबाट उनीहरुलाई प्रहरीले नियन्त्रणमा लिएको थियो ।
खुसी
दुःखी
अचम्मित
उत्साहित
आक्रोशित
