काठमाडौँ – स्पेनी ला लिगा बिहीबारबाट सुरु भएको छ । सुरुवाती पहिलो दिनका दुवै खेल बराबरीमा टुंगिएका छन् ।
लिगको पहिलो खेलमा एथलेटिको र गेटाफेले बराबरी गर्दै लिगको सुरुवात गरेका हुन्। एथलेटिकाको घरेलु मैदानमा भएको खेलमा उसले गेटाफेसँग १–१ को बराबरी गर्दै अंक बाँडेको हो। पहिलो हाफको २७ औँ मिनेटमा घरेलु टोलीले अग्रता बनाएपनि दोस्रो हाफमा गोल खान पुग्यो। खेलको ६४ औँ मिनेटमा गेटाफेले बराबरी गोल फर्काउँदै अंक खोस्न सफल भएको हो।
गएराति नै भएको अर्को खेलमा रियल बेटिस र जिरोनाले १–१ कै बराबरी गर्दै अंक बाँडे। पहिलो हाफको छैटौँ मिनेटमा नै मार्क बार्ताको गोलमा रियल बेटिसले सुरुवाती अग्रता बनाएको थियो।
तर खेलको ७२ औँ मिनेटमा वैकल्पिक खेलाडीका रुपमा मैदान छिरेका मिसेहोयले गोल गर्दै खेललाई बराबरीमा ल्याए।
बराबरीसँगै जिरोना अंक तालिकाको शीर्ष र गेटाफे दोस्रो स्थानमा छ। रियल बेटिस तेस्रो स्थानमा रहँदा एथलेटिक चौथो स्थानमा छ।
खुसी
दुःखी
अचम्मित
उत्साहित
आक्रोशित
