सिन्धुली – सिन्धुलीमा बोलेरो दुर्घटना हुदाँ २ जनाको मृत्यु भएको छ ।
सिन्धुली स्थित बीपी राजमार्गको सिन्धुलीमाडी खुर्कोट खण्ड अन्तर्गत कमलामाइ नगरपालिका २ चियाबारी नजिक बिहीबार भएको बोलेरो दुर्घटनामा परि दुई जनाको घटनास्थलमै मृत्यु भएको जिल्ला प्रहरी कार्यालय सिन्धुलीले जानकारी दिएको छ ।
मृत्यु हुनेमा गोलन्जोर गाउँपालिका ६ का पृथ्वी भुजेल र उदय मगर रहेको सिन्धुली प्रहरी प्रमुख एसपी गोविन्दराज काफ्लेले जानकारी दिए । उनका अनुसार, गोलन्जोर गाउँपालिकाको–६ को हैबार नाकाझोलीबाट सदरमुकाम आउँदै गरेको तरकारी तथा खाद्यान ओसार पसार गर्ने डबल क्याव बा २० च ८२८३ नम्बरको बोलेरो दुर्घटनामा परि पाँच जना घाइते भएका छन् ।
घाइते मध्ये ३ जनाको अवस्था चिन्ताजनक रहेको छ । उनीहरुलाई काठमाडौं पठाइएको छ । अन्य घाइतेको सिन्धुली अस्पतालमा उपचार भइरहेको प्रहरीले जनाएको छ ।
खुसी
दुःखी
अचम्मित
उत्साहित
आक्रोशित
