स्याङ्जा – स्याङ्जामा ट्र्याक्टर दुर्घटना हुँदा चालकको मृत्यु भएको छ ।
आइतबार स्याङ्जाको बारीकुनाबाट माटो लिई चापाकोट बजारतर्फ जाँदै गरेको लु ४ त २२१ नम्बरको ट्र्याक्टर चापाकोट नगरपालिका–१० को बायोडाँडामा अनियन्त्रित भई दुर्घटना भएको जिल्ला प्रहरी कार्यालय स्याङ्जाका सूचना अधिकारी प्रहरी निरीक्षक उमेशलाल श्रेष्ठले बताए ।
दुर्घटनामा परी गम्भीर घाइते भएका ट्याक्टर चालक पाल्पाको रामपुर नगरपालिका–४ घर भई चापाकोट नगरपालिका – १० बोटेटारमा बस्ने २८ वर्षीय महेन्द्र दमाईको मृत्यु भएको प्रहरीले जनाएको छ ।
घटनाबारे अनुसन्धान गरिरहेको प्रहरीले जनाएको छ ।
खुसी
दुःखी
अचम्मित
उत्साहित
आक्रोशित
