केयुको दीक्षान्त समारोह मंसिर २९ मा भएको थियो सो प्रयोजनका लागि मंसिर २४ मा प्राज्ञिक परिषद्को बैठक बसेको थियो ।
काठमाडौं/ काठमाडौ विश्ववद्यिालयको हालै सम्पन्न दीक्षान्तमा स्कुल अफ म्यानेजमेन्टका ‘डिग्री पुरा नगरेका’ र ‘ड्रप आउट’ भएका ७ विद्यार्थीको नाम ग्रेस लिष्टमा परेको खबर बाहरिएपछि सबैतिर चासो बढेको हो ।
यसै क्रममा पुस ७ गते आइतबार अख्तियारबाट उपसचिव नेतृत्वको डिएसपीसहितको टोली काठमाडौं विश्व विद्यालयको केन्द्रीय कार्यालय पुगेर ‘ग्रेस लिष्ट’सँग सम्बन्धित कागजातहरु लिएर गएको थियो, र सोही दिनबाट घटनाको अनुसन्धान थालिएको थियो ।
भोलिपल्ट प्रधानमन्त्री तथा मन्त्री परिषद्को कार्यालय सिंहदरबारमा बसेको केयु सिनेट बैठकमा रजिष्ट्रार डा. अच्युतप्रसाद वाग्लेले ती विद्यार्थीको नाम कसरी सूचीमा पर्न गयो भन्नेबारेमा छानबीन सुरु भएको र ती विद्यार्थीले प्रमाणपत्र नलएिको बैठकलाई जानकारी गराएपछि ग्रेस लिष्टबाट अनुत्तीर्ण विद्यार्थीको नाम सच्याउने निर्णय गरेको थियो ।
अनुसन्धान थालनी गरिसकेको अख्तियारले विश्वविद्यालयबाट भएको गम्भीर त्रूटीमा यो निर्णयलेमात्रै नपुग्ने मनसायबाट थप कागजातहरु मगाएको बुझिएको छ ।
अख्तियारले पुस ९ गते मंगलबार केयुबाट दीक्षान्तका लागि योग्यता निर्धारण हुने अन्तिम परीक्षणअर्थात प्राज्ञिक परिषदबाट स्वीकृत भएको ग्रेस लिष्टकै निर्णय मगाएको हो ।
केयुका एक पूर्व परीक्षा नियन्त्रकका अनुसार केयुमा परीक्षा नियन्त्रण कार्यालयले ग्रेस लिष्ट तयार गर्ने र त्यसलाई प्राज्ञिक परिषद्ले पुनः परीक्षण गरेर प्रमाणित गर्ने अभ्यास रहँदै आएको छ ।
केयुको दीक्षान्त समारोह मंसिर २९ मा भएको थियो सो प्रयोजनका लागि मंसिर २४ मा प्राज्ञिक परिषद्को बैठक बसेको थियो ।
प्राज्ञिक परिषद्ले प्रमाणित गरेको लिष्टको आधारमा उपकुलपति र रजिष्ट्रारले प्रमाणपत्रमा हस्ताक्षर गर्ने प्रचलन रहेको छ ।
उपकुलपति अध्यक्षताको कार्यकारी परिषद्ले दीक्षान्तको प्रस्तावलाई अनुमोदन गर्ने, कुलपतिको अध्यक्षताको सिनेट बैठकबाट एउटैमात्र कार्यसूची ‘ग्रेस लिष्ट’ को अन्तिम स्वीकृति दीक्षान्त घोषणा गरिन्छ । त्यसपछिमात्रै दीक्षान्तका लागि विद्यार्थी योग्य ठहरिने गरेका छन् ।
हाल परीक्षा नियन्त्रकमा प्राडा रामप्रसाद घिमिरे कार्यरत छन् । विगतका परीक्षा नियन्त्रकहरु पुष्पराज अधिकारी, पन्नाबहादुर थापाको कार्यकालमा परीक्षाकै कारणा केयुको साख नै गिर्ने गरी यस्तो त्रुटी कहिल्यै नभएको कर्मचारीहरुको भनाई छ ।
खुसी
दुःखी
अचम्मित
उत्साहित
आक्रोशित
